Sky Lagoon

Sky Lagoon: slökun og samvera við sjávarsíðuna

Skiptið um gír og njótið góðrar stundar saman þar sem hlýtt jarðhitavatn, stórbrotið sjávarútsýni og íslensk baðmenning skapa einstaka upplifun fyrir hópinn.

Sky Lagoon er frábær kostur fyrir starfsmannahópa sem vilja hægja aðeins á tempóinu, njóta samverunnar og gera vel við sig. Lónið er staðsett við sjávarsíðuna í Kópavogi, aðeins steinsnar frá miðborg Reykjavíkur, þar sem útsýnið yfir Atlantshafið og 70 metra útsýnisbrún lónsins setja einstakan svip á upplifunina.

Hluti af heimsókninni er  Skjól baðsiðurinn,  sem sækir innblástur í íslenska baðmenningu. Þar ferðast gestir í gegnum mismunandi upplifanir hita og kulda. Allt frá hlýju lóninu og köldum potti yfir í gufubað, kaldan úða, líkamsskrúbb og gufu.

Hægt er að velja á milli mismunandi aðgangsleiða eftir því hvers konar upplifun hentar hópnum. Einnig er hægt að gera meira úr heimsókninni með mat og drykkjum og njóta áfram samverunnar eftir dvölina í lóninu.

Tilvalin afþreying fyrir hópa sem vilja stíga út úr amstri dagsins, hlaða batteríin og eiga notalega stund saman í einstöku umhverfi þar sem hafið, hlýjan og íslensk náttúra mætast.

Möguleikar í boði

• Aðgangur að Sky Lagoon

• Skjól baðsiðurinn

• Heitt jarðhitavatn og kaldur pottur

• Saman aðgangur með almennri búningsaðstöðu

• Sér aðgangur með einkabúningsaðstöðu

• Handklæði innifalið

• Matur og léttar veitingar

• Drykkir og bar

Staðsetning: Vesturvör 44-48, Kópavogur 200